Á fyrrihluta ársins sóttu starfsmenn Outcome hugbúnaðar um aðild að Esomar samtökunum sem eru samtök ábyrgra rannsóknaraðila.Markmið þeirra er að auka gæði rannsókna á markaðsmálum, þjónustu og samfélagsmálum. Í samtökunum eru 4000 aðilar í 100 löndum, en samtökin hafa starfað frá árinu 1948. Samtökin eru vettvangur þeirra sem stunda rannsóknir en þau standa einnig fyrir ráðstefnum og útgáfu ýmiskonar um rannsóknastarf.

Þeir sem gerast aðilar að samtökunum þurfa að gangast undir þær vinnureglur í sínum rannsóknum sem samtökin boða og þar er vönduð aðferðafræði og mannvirðing í hávegum höfð.

Nú nýverið fór fram úttekt starfsmanna Esomar á vinnubrögðum Outcome hugbúnaðar og í framhaldi af því hefur aðildarumsókn verið samþykkt. Þátttaka í starfi Esomar gefur starfsmönnum Outcome aðgang að skýrum siðareglum, en einnig bjóða samtökin upp mikið fræðslustarf og spennandi umræðuvettvang sem gerir okkur mögulegt að verða virkir þátttakendur í þeirri umræðu og þróun sem á sér stað á hverjum tíma.