Í dag fór Íslenski markaðsdagurinn fram á Nordica hótel. Fjölbreytt og fjölmenn ráðstefna með innlendum sem erlendum fyrirlesurum hefur staðið yfir frá því í morgun og lýkur í kvöld með afhendingu á Lúðruðum, íslensku auglýsingaverðlaununum 2005.

Kosning Lúðranna fór að venju fram með Outcome kannanakerfinu þar sem dómefnd, skipuð af ÍMARK, valdi bestu auglýsingarnar á síðasta ári. Outcome stóð einnig fyrir rafrænni könnun meðal starfsfólks auglýsingastofanna þar sem því gafst kostur á að kjósa bestu auglýsingarnar að þeirra mati.

Niðurstöður beggja kosninganna verða kunngjörðar í kvöld og verður spennandi að sjá hvort starfsfólk auglýsingastofanna sé sammála dómnefnd ÍMARK.

Outcome hugbúnaður var með kynningarbás á ráðstefnunni í dag og kynnti vörur fyrirtækisins.

Niðurstöður skemmtikönnunar meðal starfsfólks auglýsingastofanna bíða dreifingar.