Dómstólaráð og héraðsdómstólarnir á Íslandi hafa opnað vef á slóðinni www.domstolar.is. Um er að ræða nokkuð umfangsmikinn vef sem kynnir starfsemi þessara aðila,birtir greinar um ýmis lagaleg málefni, en einnig eru á vefnum birtir dómar dómstólanna og dagskrá allra héraðsdómstóla.

Vefurinn hefur því margvíslegt upplýsingagildi og í fyrsta skipti eru dómar héraðsdómstólanna birtir með rafrænum hætti. Þessi nýbreytni bætir mjög aðgengi að dómum, en í vefnum er leitarvél sem gerir notendum mögulegt að setja inn skilyrta leit í dómasöfnum og fá þannig nokkuð nákvæmar niðurstöður úr dómaleit.

Vefurinn sem skiptist í 10 vetré sem hvert hefur sitt yfirbragð er byggður á Outcome vefstjóranum. Einnig er þar sérhæfð lausn til birtinga á dómum og dagskrá dómstólanna. Útlitshönnun og vefráðgjöf voru í höndum Athygli ehf. Daglegur rekstur vefsins er í höndum Dómstólaráðs og dómstólanna sjálfra.