Fyrir nokkru var vefur menningarhátíðarinnar Pourquoi pas? - Franskt vor á Íslandi opnaður. Þessi hátíð er um margt sérstök en hún stendur fram til 12. maí. Hátíðin er sett upp að frumkvæði Frakka og sendiherra þeirra hér á landi hefur verið einn aðal hvatamaður þessarar hátíðar.

Í gær kynntu Nicole Michelangeli og Þorgerður Katrín, menntamálaráðherra, dagskrá hátíðarinnar. Á þessu þriggja mánaða tímabili er snert á bókmenntum, kvikmyndum, tónlist, vísindum og fleiru. Spennandi viðburður sem eflir vitund um franska menningu.

Vefur hátíðarinnar var hannaður af fyrirtækinu Gagarín og settur upp á Outcome vefstjórann. Rekstur vefsins er í höndum aðstandenda hátíðarinnar.
Á honum er að finna almenna kynningu á hátíðinni, en einnig er þar viðburðadagatal sem kemur dagskrá hennar vel á framfæri og styður þannig við alla aðra kynningu.

Slóðin er www.fransktvor.is