Nýverið opnaði nýr vefur Nýsköpunarkeppni grunnskólanemenda. Vefurinn er framlag Outcome hugbúnaðar til þessarar keppni. Tiltrú þeirra sem að Outcome standa á nýsköpun og því að hún sé lykill að framtíðinni varð til þess að ákveðið var að styðja við framgang keppninnar með þessum hætti. Vefurinn er lykill að keppninni og andlit hennar á vefnum.

Þessi keppni er fyrir alla aldurshópa grunnskólans og keppt er á fjórum mismunandi sviðum sem eru uppfinningar, útlits- og formhönnun, hugbúnaðar- og upplýsingatækni og loks þemaverkefni um slysavarnir. Það er okkar von að vegur þessarar keppni verði sem mestur og þar stigi fram frumkvöðlar og vísindamenn framtíðarinnar.

Vefurinn er settur upp á vefstjóranum. Hönnun og uppsetning vefsins var unnin í góðu samstarfi við Önnu Gylfadóttur verkefnastjóra og umsjónaraðila keppninnar. Hægt er að skoða vef keppninnar á léninu www.nkg.is