Talsmaður neytenda og Outcome hugbúnaður gerðu nýverið með sér samning um smíði Leiðakerfis neytenda. Um er að ræða smíði á veflægum hugbúnaði sem leiðir neytendur að tiltækum upplýsingum um réttindi sín, auðveldar framsetningu kvartanna til söluaðila ef ástæða þykir til og leitun til kvörtunarnefnda eða annarra sem leysa úr ágreiningsmálum neytenda þegar annarra kosta er ekki völ.

Öll uppbygging kerfisins miðar að því að neytendur sem ekki þekkja sérstaklega til neytendaverndar geti metið stöðu sína og fylgt málum eftir þar sem það á við. Hér er um að ræða eitt kerfi sem leysir af hólmi flókna og tímafreka vinnu sem neytendur hafa þurft að leggast í til að leita réttar síns.

Outcome hugbúnaður vinnur nú að upplýsingahönnun kerfisins í samráði við verkefnastjóra verkefnisins, Liselotte Widing. Nú á haustmánuðum verður kerfið forritað og prófað og markmiðið er að í byrjun næsta árs verði það tekið í notkun.

Það er okkur heiður að fá að taka þátt í þessu spennandi verkefni sem verður að teljast framsækið og gagnsemi þessi fyrir neytendur getur orðið veruleg.

Gísli Tryggvason talsmaður neytenda, Þórður
Höskuldsson framkvæmdastjóri Outcome hugbúnaðar
og Liselotte Widing verkefnastjóri handsala
samninginn um smíði Leiðakerfis neytenda.