Rafrænar kannanir hafa notið síaukinna vinsælda á síðustu árum, en aðferðin býður upp á markvissa og hagkvæma nálgun við hópa sem áður voru utan seilingar. Með aukinni notkun rafrænna kannanakerfa eru notendur og svarendur farnir að gera meiri kröfur um útlit og virkni. Þróun Outcome kannanakerfanna hefur tekið mið af þessu og reglulega hefur kerfið verið uppfært þar sem inn koma ýmiskonar lagfæringar og nýjungar. Nú hefur enn eitt skrefið á þessari leið verið stigið og markmiðið er að hægt sé að senda út enn vandaðri kannanir.

Frá og með deginum í dag hefur viðmót á könnunum verið bætt til muna með því að gera texta læsilegri ásamt því að bæta útlit kannana. Nú er hægt að velja úr 5 nýjum útlitum á kannanir. Þetta er fyrsta skrefið á þessari braut, en farin var sú leið að hann eitt gott grunnútlit og bjóða upp á það í 5 mismunandi litum.

Viðskiptavinir Outcome eru hvattir til að nýta sér þessi útlit.

Fyrir þá sem vilja fá sitt eigið útlit sem byggir þá á útliti vefsíðu, auglýsinga eða bréfsefni sem þeim tengist er boðið upp á sérhönnun og uppsetningu útlits sem hægt er að nýta áfram.