Nú í byrjun vikunnar hófst atkvæðagreiðsla um verkfall Ljósmæðra. Ljósmæðrafélag Íslands leggur í dóm félagsmanna hvort verkfallsleiðin skuli farin í kjarabaráttu þeirra. Hér kemur kosningakerfi Outcome að notum og félagsmenn Ljósmæðrafélagsins greiða atkvæði á sérstöku lokuðu og lykilorðavörðu svæði þar sem hver félagsmaður getur greitt atkvæði einu sinni með sérstökum lykli sem sendur var bréfleiðis.

Fyrir skömmu tóku félagsmenn í Félagi íslenskra hjúkrunarfræðinga afstöðu til yfirvinnubanns með sama hætti og þar voru heimtur atkvæða góðar og niðurstaða atkvæðagreiðslunnar afgerandi.

Að nýta rafræn kosningakerfi við aðstæður sem þessar, auðveldar alla framkvæmd og dregur úr kostnaði við fjölmenna atkvæðagreiðslu á sama tíma og þátttaka félagsmanna eykst. Tölvutæknin hefur ekki verið þröskuldur í þessum tilfellum og allur almenningur fær um að taka þátt. Því má ætla að rafræn kosningakerfi séu ekki eingöngu fjárhagslega hagstæð heldur einnig leiði þau til aukins lýðræðis í ákvarðanatöku.

Nánari upplýsingar um rafrænar kosningar