Í byrjun september kynnti Vinnumálastofnun styrki til átaks í atvinnumálum kvenna. Félagsmálaráðuneytið og Vinnumálastofnun veita 50 milljónum í styrki sem renna til kvenna með góðar viðskiptahugmyndir. Um er að ræða mun hærri upphæð en áður hefur verið sett í átak af þessu tagi og nú settur aukinn kraftur í kynningu og öll umgjörð verkefnisins er umfangsmeiri en áður. Vægi vefsíðu sem sett hefur verið upp í tengslum við verkefnið er töluvert. Í því samhengi má segja frá því að

• Vefsíðunni er ætlað að kynna styrkina og þær reglur sem gilda um úthlutun þeirra
  
• Á vefsíðunni er fullkomið rafrænt form þar sem hægt er að skrá styrkumsóknir með fylgigögnum.
  
• Vefnum er einnig ætlað að veita frumkvöðlum stuðning með fræðslu og upplýsingum
  
• Loks er horft til þess að skapa fjölþætt netsamfélag sem konur geta stutt við hvor aðra með margvíslegum hætti í þeim verkefnum sem tekist er á við hverju sinni.

Hönnun vefsins var í höndum Orra Guðjónssonar og starfsmenn Outcome hugbúnaðar sáu um alla forritun og uppsetningu.

www.atvinnumalkvenna.is