Í febrúar opnaði Verkefnastjórnunarfélag Íslands nýjan vef. Vefurinn leysir eldri vef af hólmi. Bæði var vefurinn endurhannaður og að sama skapi var allt skipulag efnis í vefnum endurskoðað. Sérstaklega var horft til hópa innan félagsins, þannig að yngri félagar fengju sérstakan sess, sem og til umfjöllunar um vottun og vottunarferla verkefnastjóra.

Vefurinn er efnismikill og veitir mjög greinagóðar upplýsingar um félagið og viðfangsefni þess.

Vefurinn er byggður á Outcome vefstjóranum en í gegnum hann er haldið utan um hluta af starfsemi félagsins.  Útlitshönnun vefsins var í höndum Hafsteins M. Mássonar og starfsmenn Outcome hugbúnaðar sáu um uppsetningu og forritun hans.

www.vsf.is