Skólavogin er röð viðhorfskannana sem framkvæmdar eru á ári hverju á vegum Sambands íslenskra sveitarfélaga í völdum skólum. Framkvæmd skólamats 2009 er lokið og hafa nú allir 26 skólarnir fengið niðurstöður sínar ásamt niðurstöðum heildarinnar til samanburðar.

Á hverju ári eru könnuð viðhorf nemenda, foreldra og starfsmanna tiltekinna skóla til starfsemi þeirra. Jafnframt er búin til heildarniðurstaða með öllum skólum og geta skólarnir metið meðaltöl einstakra spurninga við meðaltöl heildarinnar. Með þessu móti er hægt að sjá með skýrum hætti styrk og veikleika skólanna á einstökum sviðum og leggja í framhaldinu í markvissar aðgerðir eða úrbætur, ef þess gerist þörf.  

Framkvæmdin sjálf var með mismunandi hætti í einstökum skólum þar sem þeir fengu að ráða hvaða leið var farin í upplýsingaöflun á hverjum stað. Langflestir skólar kusu að senda könnun með tölvupósti til foreldra og starfsmanna en létu nemendur svara með tölvum í skólunum í stýrðu umhverfi.  Svörun með þessum hætti kom vel út og var almenn ánægja með lengd og framkvæmd kannanna.

Starfsmenn Outcome þakka öllum þeim fjölmörgu aðilum sem komu að verkinu ánægjulegt og gott samstarf.