Samflot bæjarstarfsmanna nýttu Outcome kosningakerfið til að skera úr um hvort samþykkja ætti nýgerða kjarasamninga. Niðurstaðan var afgerandi. Samningar voru samþykktir með 77,22% greiddra atkvæða.

Samflot er samstarfsvettvangur bæjarstarfsmannafélaga á Íslandi við undirbúning og vinnu í tengslum við kjarasamninga félaganna við viðsemjendur þeirra. Aðildarfélög að Samfloti eru 12 talsins með tæplega 4000 manns á kjörskrá. Outcome kosningakerfið var nýtt við framkvæmdina. Kosningin var margskipt, því upplýsingar um niðurstöður atkvæðagreiðsla í hverju aðildarfélagi Samflots þurftu að vera ljósar við talningu atkvæða. Flækjustig atkvæðagreiðslunnar var því meira en vanalegt er. Nánar um efni samningsins má nálgast á síðum starfsmannafélaganna og á síðu Samflots.