N1 hefur gert samning við Outcome hugbúnað um afnot af Outcome kannanakerfinu. Bryddað verður upp á þeirri nýjung í þessu samstarfi að tengja birtingu niðurstaðna við stjórnendahugbúnaðinn TARGIT og auðvelda þannig stjórnendum notkun niðurstaðna við ákvarðanatöku.

Sérstakt kannanaútlit var hannað í anda vefsíðu N1 sem verður grunnur að könnunum fyrirtækisins. N1 er eitt af stærstu fyrirtækjum landsins með um 800 starfsmenn og eitt fyrsta verk N1 með kannanakerfinu er að gera árlega starfsmannakönnun. Í tengslum við þetta fengu tæknimenn og starfsmenn á mannauðsviði kennslu á kerfið sem var sérsniðin að þessu verkefni. Niðurstöður kannana verða svo fluttar rafrænt inn í TARGIT stjórnendalausnina sem N1 tók nýverið í notkun. Þetta er gert til að samræma birtingu gagna innanhúss hjá þeim. Þessi leið sýnir enn og aftur styrk kannanakerfisins en það er m.a. hannað með það fyrir augum að auðvelt sé að flytja niðurstöður yfir í önnur kerfi.

Lesa meira um Outcome kannanakerfið