Í upphafi sumars opnaði ferðaþjónustufyrirtækið Norðursigling nýjan vef. Fyrirtækið, sem þekkt er fyrir hvalaskoðunarferðir frá Húsavík, hefur jafnt og þétt vaxið og starfsemi þess aukist á sviði ferðaþjónustu. Vefurinn sem nú hefur verið opnaður er brotinn upp í 5 megin vefi sem hver og einn kynnir tiltekinn þátt í starfsemi fyrirtækisins sem snýr nú að siglingum, veitinga- og ferðamannaþjónustu. Vefirnir eru almennt á ensku, en þó eru tveir þeirra einnig á íslensku.  Vefirnir eru allir ríkir að innihaldi og fagmannlega myndskreyttir.

Vefirnir eru settir upp í nýjustu útgáfu Vefstjórans en hönnunar- og hugmyndarvinna var í höndum starfsmanna Norðursiglingar.  Eldri vefir fyrirtækisins keyrðu einnig á Outcome Vefstjóranum og var því ekki aðeins um að ræða breytingar á útliti og framsetningu efnis, heldur einnig uppfærslu á kerfum.

Arngrímur Arnarson útlitshannaði vefina, en í þeirri vinnu varð til sterk tilvísun í áherslu fyrirtækisins á eikarbáta og strandmenningu fyrri tíma.

Skoða má vefina á eftirtöldum vefslóðum: www.nordursigling.is , www.gamlibaukur.is , www.skuld.is , www.schooners.is, http://www.whalewatchinghusavik.is.