Nú í sumar opnaði Nýsköpunarmiðstöð Íslands vefverslun sem býður úrval af bókum, skýrslum og fyrirlestrum. Úrvalið er fjölbreytt og endurspeglar þá miklu þjónustu sem NMI veitir.

Búðin er byggð á Outcome vefverslunarkerfinu og þar er framsetning vara með margvíslegum hætti, þ.e. að hægt er að sækja hljóðgögn, myndskeið og skýrslur beint úr versluninni svo og að hægt er að panta vörur með hefðbundnum hætti. Hluti þeirra vara sem í boði eru fást án endurgjalds, en aðrar eru seldar gegn hóflegu gjaldi.

Greiðslumiðlun fer í gegnum Valitor en vefverslunin er tengd sérstakri síðu sem býður upp á örugga meðhöndlun greiðsluupplýsinga. Dagleg umsýsla og rekstur verslunarinnar er í höndum starfsfólks Nýsköpunarmiðstöðvar.

www.nmi.is/utgafa/