Nýverið opnaði Ferðafélag Íslands nýjan vef sem leysir eldri vef af hólmi. Á síðustu árum hefur vegur félagsins vaxið jafnt og þétt. Fjöldi félagsmanna vex og yngri kynslóðin hefur aukið þátttöku sína í starfi þessa góða félags sem býður Íslendingum upp á fjöldann allan af ferðum um landið.

Nýr vefur félagsins er í sífelldri mótun og nú hefur myndbirting úr ferðum verið bætt og dagskrá á hverjum tíma fær meira svigrúm á forsíðu vefsins. Vefurinn hefur almennt verið einfaldaður og ýmsar upplýsingar gerðar aðgengilegri á sama tíma og dregnar eru fram ljósmyndir úr starfi félagsins á hverjum tíma.

Vefurinn er hannaður af Orra Guðjónssyni og uppsetning hans var í höndum starfsfólks Outcome hugbúnaðar. Outcome 5.0 vefumsjónarkerfið er nýtt sem grunnur vefsins og umsjón hans er í höndum starfsfólks á skrifstofu félagsins.

www.fi.is