Vinnumálastofnun hefur nú opnað nýjan vef. Unnið hefur verið að uppbyggingu hans frá því í vor og allt skipulag hans var tekið til skoðunar. Nú hefur nýr og aðgengilegri vefur verið opnaður. Samhliða því voru "mínar síður" atvinnuleitenda endurbættar og þjónustuleiðum fjölgað.

Við skoðun vefsins má sjá að framsetning upplýsinga um laus störf hefur verið bætt og stuðningur við atvinnuleitendur hefur verið bættur með ýmsum hætti.

Í vefnum er nú nýjasta leitarvél Outcome hugbúnaðar. Hún vinnur sig í gegnum öll algeng skráarsnið s.s. excel, powerpoint, word og pdf. Hún tekur tillit til beygingarendinga í íslensku máli og sé leitað eftir tilteknu orði skilar hún því ekki bara með einni tiltekinni beygingarendingu, heldur öllum endingum sem skráðar eru beygingarlýsingar íslensks nútímamáls hjá Stofnun Árna Magnússonar. 

Skipan vefsins var unnin af vinnuhópi hjá Vinnumálastofnun sem leiddur var af Hildi Fjólu Svansdóttur upplýsingaarkítekt. Vefurinn keyrir á Outcome vefstjóra 5.0 (sem er jafnframt nýjasta útgáfa vefumsjónarkerfisins).  Útlitshönnun var í höndum Orra Guðjónssonar og uppsetning og frágangur var í höndum starfsmanna Outcome hugbúnaðar.

www.vinnumalastofnun.is