1. Hafðu einungis spurningar sem skipta máli

Könnun á að innihalda einungis spurningar og svarmöguleika sem skipta markhópinn þinn máli. Millistjórnendur hafa til að mynda ekki áhuga á því að láta selja sér hluti, en vilja yfirleitt gefa 3 mínútur til þess að svara könnun og hafa þar með áhrif á þjónustu sem þeim er veitt í framtíðinni.

2. Skilgreining markhópa

Íhugaðu mjög vel hverjir það eru sem eiga að svara könnuninni þinni. Mismunandi möguleikar standa til boða til þess að finna mögulega svarhópa. Til viðbótar við útsendingar á tölvupóstlista sem eru í þinni eign, er oft einnig mögulegt að kaupa lista, notast við netsveit sem þriðji aðili rekur eða senda á lista á vegum félaga og klúbba.

3. Beiðni um þátttöku hnitmiðuð og tær

Í tölvupóstkönnunum og í popup-gluggum borgar sig að hafa beiðni um þátttöku sem stysta. Hér eru nokkrir punktar sem þurfa að koma fram:

• Hver þú ert
• Hvert er markmiðið með könnuninni
• Hvað græða þátttakendur á því að svara
• Hvað tekur það langan tíma að svara
• Persónuverndaryfirlýsing

Inngangstexti við könnunin sjálfa ætti svo að vera umfangsmeiri.

4. Ítrekun á réttum tíma

Þegar þú sérð að enginn hefur svarað tölvupóstkönnuninni þinni í hálfan eða heilan dag og svarhlutfallið er ekki nægilegt að þínu mati, þá borgar sig að senda út ítrekun. Langbest er að senda ítrekun á miðjum degi, í það minnsta ekki í lok dagsins. Það á að hámarki að senda tvær ítrekanir á könnun, en oft dugir ein.

5. Umgjörð könnunar

Hafðu umgjörð könnunarinnar snyrtilega, aðgengilega og faglega. Helst í stíl við annað markaðsefni eins og t.d. vefsetur fyrirtækisins. Stærð letursins í könnun og stíl á spurningum og svarmöguleikum skiptir einnig máli. Allt efni þarf að vera skýrt og læsilegt.

6. Verðlaun

Ef það eru verðlaun í boði skal taka það fram strax í beiðni um þátttöku. Dæmi um verðlaun sem hafa virkað mjög vel til þess að auka svarhlutfallið eru flug til útlanda, miðar (bíó, tónleikar, sýningar, leikhús), út að borða og síðan hvað sem fyrirtækið sem stendur fyrir könnunina getur boðið upp á.