Með Outcome Student fæst aðgangur að fullkomnu vefkannanakerfi þar sem hægt er að framkvæma rafrænar kannanir á fljótlegan og faglegan hátt. Kerfið er tilvalið til nota í hverskyns viðhorfs- og skoðanakannanir sem nýtast í námi eða verkefnavinnu á háskólastigi.

Markmiðið með Outcome Student er að kynna vefkannanakerfi fyrir nemendum og gera þeim mögulegt að nýta þessa tækni í námi sínu. Með Outcome ná þeir betri tökum á kannanagerð og skila faglegri vinnu af hendi í þeim verkefnum sem þeir takast á við í náminu.

Outcome Student lækkar kostnað sem til fellur vegna vinnu, útsendingar gagna, söfnunar svara, pappírs, umslaga, símtala og úrvinnslu. Með notkun Outcome Student opnast ný tækifæri til upplýsingaöflunar þar sem hraði og hagkvæmni fara saman.

Hvernig virkar Outcome Student?

• Fyrir 2.500- kr. fæst aðgangur að Outcome vefkannanakerfinu og leyfi til að framkvæma eina rafræna könnun (hámark 500 svarendur) í gegnum tölvupóst eða vefsíðu. Niðurstöður kannana eru aðgengilegar á vefnum í 30 daga og getur könnuður fylgst með útkomunni í rauntíma.
• Hver spurning kostar 100 kr., og hver viðtakandi kostar 15 kr. í tölvupóstkönnunum. Athugið að séu sendar út ítrekanir reiknast 15 kr. kostnaður í hvert skipti sem viðtakandi fær ítrekun.  Í opnum vefkönnunum er greitt fyrir hvern þátttakanda og lokuðum vefkönnunum er greitt fyrir hvert útgefið lykilorð.
• Nemendur sem gert hafa samning við Outcome um afnot af kannanakerfinu eiga rétt á 30 mínútna grunnaðstoð. Nemendum býðst einnig að sækja grunnnámskeið í notkun kannanakerfisins á sérstökum nemendakjörum.
• Outcome Student er ekki ætlað til nota í viðskiptalegum tilgangi og er nemendum óheimilt að nota kerfið til að framkvæma kannanir sem þriðji aðili greiðir fyrir með beinum eða óbeinum hætti. Komi upp spurningar um leyfi til notkunar, skal hafa samband við starfsfólk Outcome.
• Nemendum ber að taka fram í skýrslum og/eða á kynningarfundum að Outcome kannanakerfið hafi verið notað við gerð kannana.
• Niðurstöður úr könnunum eru eign Outcome hugbúnaðar ehf. Niðurstöður úr nemendakönnunum verða þó aldrei nýttar í viðskiptalegum tilgangi af hálfu Outcome hugbúnaðar ehf.

Til að fá aðgang að Outcome kannanakerfinu þarf að fylla út samningsform sem hér má sækja "nemendasamningur" og senda útfyllt og undirritað til Outcome hugbúnaðar ehf. eða senda sem viðhengi í tölvupósti á kannanir@outcome.is  .

Þegar umsóknin verður samþykkt fær nemandinn sendan aðgang að kerfinu í tölvupósti. Einnig fylgja leiðbeiningar.