Outcome hugbúnaður sá um framkvæmd og úrvinnslu yfirgripsmikillar könnunar fyrir Samtök Atvinnulífsins (SA). Markmið könnunarinnar var að fá raunmynd af stöðu og horfum í íslensku atvinnulífi. Outcome kannanakerfið var notað til þess að senda spurningalista til um 1700 félagsmanna samtakana og vinna úr niðurstöðum könnunarinnar.

Um könnunina:

• Tölvupóstkönnun send til 1699 fyrirtækja innan SA
• Svarhlutfall 34,84% eða 592 manns
• Sendar voru tvær ítrekanir til þeirra sem ekki höfðu svarað
• Könnunin stóð yfir frá 7. júlí til 11 júlí 2008
• Skýrsla var búin til og send úr Outcome kannanakerfinu
• Fyrirtækin í könnuninni endurspegluðu sjávarútveg, iðnað, byggingarstarfsemi, veitur, verslun og samgöngur, hótel og veitingahús, fjármála- og tryggingafyrirtæki.
• Í þessum atvinnugreinum störfuðu 92.500 manns árið 2007 og námu launagreiðslur til þeirra rúmlega 470 milljörðum króna.

Helstu niðurstöður

• Flestir svarenda (81%) voru með undir 50 starfsmenn í vinnu.
• Flestir þeirra (32%)með 5 starfsmenn eða færri.
• Fimmtán svarenda störfuðu hjá fyrirtæki með yfir 500 starfsmenn í vinnu.
• Hjá þeim fyrirtækjum í könnuninni sem þegar hafa fjölgað starfsmönnum eða áforma það nemur fjölgunin 4% af starfsmannafjölda en þegar framkvæmd eða áformuð fækkun nemur 6,7%.
• Nettófækkun starfsmanna á árinu er því 2,7%. Þessi hlutfallstala, 2,7%, svarar til þess að störfum muni fækka um tæplega 2.500 í þessum atvinnugreinum á árinu. Launagreiðslur sem brott falla af þeim sökum nema rúmlega 13 milljörðum króna eða sem nemur 1% af vergri landsframleiðslu.

www.outcome.is/vorur/kannanakerfi/