Nýlega var opnaður nýr vefur Jökulsárhlaups, en það hefur verið haldið árlega síðan 2004 og fer fjöldi þátttakenda vaxandi með hverju árinu. Hlaupið er einstakt þar sem það fer fram í stórkostlegu umhverfi Jökulsárgljúfra í Vatnajökulsþjóðgarði.

Í byrjun júlí opnaði Víkin sjóminjasafn nýjan vef. Vefurinn er bæði á ensku og íslensku og dregur fram með skemmtilegum hætti sjóminjasafnið sjálft og margvíslegan fróðleik um sjómennsku og útgerð.

Í maímánuði auglýsti Vinnumálastofnun 1000 sumarstörf hjá ríki og sveitarfélögum til umsóknar. Um var að ræða aðgerðir sem opinberir aðilar gripu til vegna yfirvofandi atvinnuleysis skólafólks nú í sumar. Umsýsla og vinnsluferill umræddra umsókna var allur rafrænn og unninn í gegnum vefviðmót og gagnagrunna sem starfsmenn Outcome settu upp.

Nýverið opnaði Árnason Faktor nýjan vef fyrirtækisins hjá Outcome hugbúnaði, en fyrirtækið er stærsta lögfræðifyrirtæki á sviði einkaleyfa og hugverka á Íslandi. Vefurinn dregur í senn fram viðfangsefni stofunnar svo og þá sérfræðinga sem þar starfa og styrkir þannig jákvæða og sterka ímynd fyrirtækisins.

Bankasýsla ríkisins er ný stofnun sem tók til starfa í janúar á þessu ári. Bankasýslan leitaði til Outcome hugbúnaðar þegar kom að uppsetningu á vef stofnunarinnar. Markmiðið með vefnum er í senn að upplýsa um störf Bankasýslunnar og skapa möguleika til að taka við rafrænum umsóknum í störf sem auglýst eru á þeirra vegum í fjármálastofnunum.  Vefurinn hefur þegar sannað gildi sitt á þessu sviði og almenn ánægja er með útkomuna.

Nýverið var nýr vefur Heilsu opnaður. Vefurinn var settur upp af Outcome og byggður á Vefstjóranum sem er aðalvefumsjónarkerfi fyrirtækisins. Vefurinn er mikil upplýsingaveita um heilsuvörur og heilsufæði. Upplýsingakerfi Heilsu er beintengt vefnum þannig að fram í hann eru lesnar vöruupplýsingar með vélrænum hætti úr kerfum Heilsu.

Lögfræðingafélag Íslands hefur opnað vefverslun á heimasíðu sinni. Um er að ræða viðbót við núverandi vef Lögfræðingafélagsins en útbúin var sérútfærsla af Outcome vefverslunarkerfinu.

Nýverið opnaði Rammagerðin nýja vefverslun á léninu www.icelandgiftstore.com.  Verslunarkerfið var sett upp af Outcome hugbúnaði, en kerfið var aðlagað að þörfum Rammagerðarinnar sem býður mjög fjölbreytt vöruúrval. Rammagerðin hefur lengi verið leiðandi verslun í sölu á íslensku handverki, ullarvörum og minjagripum.

Nýverið tók Outcome að sér að endurhanna og uppfæra vef Lífeyrissjóð bankamanna. Um er að ræða endurnýjun á eldri vef en Lífeyrissjóður bankamanna hefur verið góður viðskiptavinur Outcome um árabil. Ákveðið var að létta yfirbragð vefsins og endurskoða efnisframsetningu og auka þar með notagildi vefsins fyrir sjóðsfélaga. 

Samtök atvinnurekenda í raf- og tölvuiðnaði (SART) opna nýjan vef hjá Outcome hugbúnaði. Um er að ræða endurskipulagningu vefsins og breytingu á útliti. Vefurinn nýtir nýjustu útgáfu Outcome vefstjórans sem eykur og bætir virkni hans. 

Nýverið var opnaður nýr vefur sem hefur það að markmiði að halda utan um og birta dagskrá kirkna á Íslandi. Um er að ræða upplýsingavef sem bætir aðgengi almennings að upplýsingum um dagskrá og viðburði í tilteknum kirkjum.

Nýlega endurnýjaði Stéttarfélag í almannaþjónustu (SFR) vefinn sinn.  SFR er eitt stærsta stéttarfélag landsins með um 5.400 félagsmenn um land allt .