Veflausnir - Verkefni

Nýr vefur Atvinnumála kvenna

Á hverju ári býður Vinnumálastofnun fram styrki til átaks í atvinnumálum kvenna. Fyrir árið 2008 munu Félagsmálaráðuneytið og Vinnumálastofnun veita 50 milljónum í styrki sem renna til kvenna með góðar viðskiptahugmyndir. Um er að ræða mun hærri upphæð en áður hafði verið sett í átak af þessu tagi og því settur aukinn kraftur í kynningu og öll umgjörð verkefnisins því mun umfangsmeiri en áður.

Vægi vefsíðu sem sett var upp í tengslum við verkefnið var töluvert. Í því samhengi má segja frá því að

Vefsíðunni er ætlað að kynna styrkina og þær reglur sem gilda um úthlutun þeirra.
Á vefsíðunni er fullkomið rafrænt form þar sem hægt er að skrá styrkumsóknir með fylgigögnum.
Vefnum er ætlað að veita frumkvöðlum stuðning með fræðslu og upplýsingum.
Loks er horft til þess að skapa fjölþætt netsamfélag sem konur geta stutt við hvor aðra með margvíslegum hætti í þeim verkefnum sem tekist er á við hverju sinni.

Meðal þeirra lausna sem eru í notkun á vefnum eru:

Fullkomið rafrænt form, þar sem hægt er að skrá styrkumsóknir með fylgigögnum. Áður hafði vefur Vinnumálastofnunar innihaldið svipað form, sem einnig var forritað af starfsmönnum Outcome hugbúnaðar.
Spurt og svarað, þar sem notandi getur tekið virkan þátt í spurningaferlinu, með nýstárlegum hætti.
Hjálparkerfi í umsóknarforminu, þar sem hægt er að fara með músarbendil yfir þar til gert hjálparsvæði og fá þannig upp lýsingu á viðkomandi hluta umsóknarformsins.

Umrætt verkefni er þó enn ekki komið á leiðarenda, því fyrirhugaðar eru viðfangsmiklar viðbætur á vefsíðunni, þar sem skapað verður nýtt samfélag kvenna, m.a. ætlað þeim konum sem hafa sótt um styrki til atvinnumála kvenna. Hver kona mun þar eignast sitt svæði á vefsíðunni og hefur möguleika á að skoða fyrri styrki sína rafrænt, ásamt því að vera í sambandi við aðrar konur innan samfélagsins.

Hönnun vefsins var í höndum Orra Guðjónssonar og starfsmenn Outcome hugbúnaðar sáu um alla forritun og uppsetningu. Vefurinn keyrir á Outcome vefstjóra og er hýstur hjá Outcome hugbúnaði.

Atvinnumál kvenna